نوجوان راڳي وقار ملاح
انٽرويو امام علي
ڀلائي
سنڌ ڌرتي هونئن ته
پنهنجي ڪُک مان ڪيترن ئي عظيم راڳين کي جنم ڏنو
آهي، انهن مان هڪ
نوجوان وقار ملاح به آهي وقار ملاح
حيدرآباد جي نسيم ننگر جي علائقي ۾ سندس جنم 1،1،1996 ٿيو آهي سندس بنيادي تعليم
انڊس اسڪول حيدرآباد مان ۽ 9 ،10 جماعت برائيٽ فيچر مان حاصل ڪئي اٿس ۽ هائر
ايجوڪيشن ڊگري ڪاليج مان ڪئي اٿس هن وقت پاڻ سنڌيونيورسٽي جي شعبي فلاسافي مان بي
اي ٻئين سال جو شاگرد آهي وقار ملاح جتي پنهنجو
نرالو انداز رکي ٿو اتي قدر واري کيس ڪمال جو گلو اتا ڪيو آهي سندس گلي مان جڏهن
آلاپ نڪرندا آهن ته ٻڌندڙن جا لنڱ ڪانڊارجي پوندا آهن
س: توهان ڳائڻ جي
شروعات ڪڏهن ڪئي ۽ اهو شوق ڪيئن پيدا ٿيو ۽ استاد ڪير هو؟
ج : ڳائڻ
جي شروعات 13 سالن جي عمر ۽ 7 ڪلاس دوران ٿي هئي اسڪول ۾ هيڊماستر جي حوصلاافزائي
سان راڳ جي تربيت حاصل ڪئي آهي ۽ راڳ جي سکيا استاد ممتاز مستوئي کانپوءِ ڄامشوري
جي استاد طفيل ڀلائي کان ۽ هن وقت ڪتابن ۽ انٽرنيٽ تان وڌيڪ ريسرچ ڪندو آهيان ۽
اتان ئي سکيا ۽ معلومات ملي ٿي
س: اوهان ڪهڙي شاعرن کي گهڻي قدر ڳائيندا آهيو؟
ج : مون گهڻي قدر شيخ اياز، شاهه عبدالطيف، استاد بخاري،
ماڻڪ ملاح ، رخسانه چنڙ، آڪاش انصاري ۽ ٻين ڪيترن ئي شاعرن کي ڳايو آهي
س: اوهان سنڌي راڳ کي اردو راڳ جي ڀيٽ ۾ ڪيئن ٿا ڏسو؟
ج : جيئن
تي سنڌي راڳ مادري زبان ۾ آهي ان ڪري سولائي سان ڳائي سگهان ٿو،اردو راڳ ۾ پنهنجو
رنگ رکيل آهي ان جا گيت ۽ غزل تمام منفرد آهن پر سنڌي غزل جو هڪ پنهنجو رنگ آهي ان
جي ڪافي ڪلام ، سهرو ، لوڪ گيت ، وائي اردو کان تمام مختلف ۽ منفرد آهي
س: هڪ راڳي لاءِ مطالعو ڪيتري قدر ضروري آهي؟
ج : راڳ جو مطالعو تمام ضروري آهي ان کانسواءِ راڳي ڪنهن راڳ جي صلف
به صحيح انداز ۾ نه ڳائي سگهندو
س: اوهان ڪيترن ٻولين ۾ راڳ ڳائيندا آهيو؟
ج : مان 4 ٻولين ۾ ڳائيندو آهيان جنهن سنڌي ، اردو ، سرائڪي ۽ بروهڪي ۾
ڳائيندو آهيان
س: اوهان ڪهڙن شاعرن کي ڳايو ته ڀرپور موٽ ملي ۽ ڪامياب ٿيا؟
ج : مون شيخ اياز ، استاد بخاري ، علي حسن ملاح ۽ رخسانه پريت کي ڳائڻ سان
تمام سٺي موٽ ملي آهي
س:توهان پنهنجي ڪلام وسيلي ڇا ٿا پيغام ڏيڻ چاهيو؟
ج :مان پنهنجي ڪلام ۽ فن وسيلي هميشه ڪوشش ڪندو آهيان ته
منهنجي ٻڌندڙن کي هڪ سٺو پيغام رسي انهن ۾ سٺي ڪلام ۽ شاعري ٻڌندڙ جي ريس پوي ۽ هو
غور ۽ فڪر سان ٻڌن ۽ سمجهن.
س: توهان جو مشهور گيت؟
ج : منهنجا مشهور ڳيت مٽي منهنجي ماءُ ۽ تنهنجي محفل ۾ ڪيئن
ويهان ۽ استاد بخاري جا ٻول ڳائڻ سان سٺي موٽ ملي آهي .
س: توهان راڳي نه هجو ها ته ڇا هجو ها؟
ج : اگر جي مان راڳي نه هجان هان ته شاعر هجان هان ڇو ته
ننڊ پڻ کان وٺي لکڻ پڙهڻ سان چاهه رهيو آهي ۽ سٺن شاعرن کي تمام دلچسپي سان پڙهندو
هوس .
س: اردو غزل ۾ سنڌي موسيقي جو ڪيتري قدر ميلاپ ٿيو آهي؟
ج : اردو غزل ۽ سنڌي موسيقي ڪافي حد تائين ميلاپ آهي غزل جو
رنگ چاههءُ ٻنهي ۾ لڳ ڀڳ ساڳيو آهي جيئن ته سنڌي ثقافتي راڳ يان سنڌي علائقي جو راڳ
جنهن ۾ انڊيا جو ڪافي حصو اچي ٿو انهن کي راڳ جي بناوت آلاپ ، چڻچاڙ ، طرز ۽ رڌم
دنيا جي ٻين حصن جي راڳين کان تمام گهڻي مختلف آهي ان ڪري اردو ۽ سنڌي راڳ جي
آلاپن ۾ ڪافي حد تائين فرق اچي وڃي ٿو
س: اسٽيج، ريڊيو ۽ ٽي وي ۾ توهان ڪهڙو فرق محسوس ڪريو ٿا؟
ج : اسٽيج ريڊيو ۽ ٽي وي تمام گهڻو فرق آهي ڪو دور هوندو هو
ته ريڊيو ۽ ٽي تي به اسٽيج وانگر فنڪارن کي لائيو ڳائڻو پوندو هو هن جيئن ته اڄ جي
جديد دور فنڪارن جو ڪم تمام آسان ڪري ڇڏيو آهي فنڪار کي مختلف مشينو ۽ اوزار ۽
سافٽ ويئر لاءِ تال ۾ آڻي ڇڏين ٿيون اسٽيج تي ان ڪري اڄ جي جديد دور ۾ مان ريڊيو ۽
ٽي وي کان وڌيڪ اسٽيج تي ڳائڻ وڌيڪ بهتر سمجهان ٿو ان ۾ فنڪار جي سکيا ۽ تربيت
چـڱي نموني ٻڌندڙن کي ڄاڻ ملي وڃي ٿي .
س: توهان سڄي سنڌ سميت ڏيهه توڙي پرڏيهه به گهميا آهيو،
توهان جي محفل ۾ ڪو يادگار واقعو جيڪو اڃا تائين ياد هجي؟
ج : زندگي ۾ تمام سٺيو ۽ گهڻيون محفلون ڳائيون اٿم ته ان
ڪري ڪڏهن ڪڏهن ڪجهه زندگي جا تمام گهڻا واقعا پيش آيا اٿم جنهن ۾ هڪ واقعو
ڇرڪائيندڙ آهي ته ڪنهن اين جي اوز طرفان ٺٽي ۾ ڳائڻ ويس جتي رستي ۾ اسان جي گاڏي
خراب ٿي پئي تمام ڏکيائين کان پوءِ گاڏي ٺهي ۽ منزل تي پهتس ته ڳائڻ دوران آمريڪا
جي هڪ انگريز اوچتو منهنجي آواز ۽ ساز تي جهمي پيو ۽ رقص ڪندي ۽ ڪلابازي کائي
منهنجي باجي ۽ منهنجي منهن اڳيان پيسا رکيا ته جنهن تي مونکان وڏو ڇرڪ نڪري ويو
جتي سڄي محفل ۾ ٽهڪن جا ڦهڪا پئجي ويا ان کان پوءِ يونيورسٽي ۾ آءِ ٽي شعبي ۾
اسٽيج تان ڳائي جڏهن هيٺ لٿس ته شاگردن جي محبت مونکي گهري ڇڏيو ۽ ان جي چمبڙڻ
دوران منهنجي خميس جو کيسو ڦاٽي پيو ۽ ٻئي پروگرام تي دير ٿي وئي منهنجي پهچڻ کان
اڳ ۾ پروگرام ختم ٿي ويو ۽ دوست ناراز ٿي ويا
س: توهان پنهنجي فن مان مطمئن آهيو؟
ج :
س: توهان موسيقي جي سکيا ڪنهن کان ورتي؟
ج : ڪافي حد تائين مطمئن آهيان پر سمجهان ٿو ته اڃا وڌيڪ
سکيا ۽ مطالعي جي ضرورت آهي
س: شهرت اوهان کي ڪئين ٿي لڳي؟
ج: شهرت هڪ ڏاڍو
وڻندڙ لفظ آهي ۽ دنيا ۾ هر شخص چاهيندو آهي ته مان مشهور هُجان انهيءَ ڪري مون کي
به شهرت پسند آهي پر اها ڀاڳ وارن جي حصي ۾ ايندي آهي ۽ وڏي محنت ۽ مشڪلن کان پوءِ
ئي هٿ ايندي آهي.
س: اوهان
شاگردن ۽ پرستارن لاءِ ڪهڙو پيغام ڏيندا؟
ج: سڀ کان وڏي ۽
قيمتي شيءِ جيڪا آهي اها آهي وقت، جنهن وقت جو قدر ڪيو ان ڄڻ ته پنهنجي زندگي
سنواري ڇڏي، ان لاءِ ضروري آهي ته شاگرد پنهنجي وقت کي اجايو نه وڃائين ۽ مٿن جيڪا
پڙهڻ جي ذميواري رکيل آهي ان کي نڀائين، سخت محنت ڪن ڇاڪاڻ ته زندگي جي مارڪيٽ
ڏاڍي ڏکي آهي، ان ۾ زندهه رهڻ لاءِ تمام گهڻي محنت ڪريو، جيتري محنت ڪندؤ اوتري
گهڻي ڄاڻ حاصل ڪندؤ. محنت سان ئي ڪاميابي حاصل ٿي سگهي ٿي.
