Profile of Dr Shahid Salah

To be checked and edited. Unable to find any uniqueness in the personality. 

نام : محمد راحیل 

رول نمبر: 68 

موضوع: پروفائل

ڈاکٹر شاہد صلاح الد ین 

زندگی میں آنے والی پریشانیاں انسان کو بہت کچھ سکھا دیتی ہیں لیکن کامیاب وہی شخص ہوتا ہے جو ان پریشانیوں کاڈٹ کر سامنا کرتاہے محنت اور لگن سے اپنی منزل کی جانب اپنے قدم گامزن رکھتا ہے اور کامیابی حاصل کرنی کی جستجو میں اپنا دن رات صرف کردیتا ہے ،ضلع حیدرآباد کے علاقے لطیف آباد نمبر۵ سے تعلق رکھنے والا ایسا ہی معزور شخص ڈاکٹر بن کے ہم سب کے لئے مثال اور انکی زندگی ہمارے لئے مشعل راہ ہے ۔معزور ہونے کے باوجود آپ نے اپنی جدوجہد کے سفر کو جاری رکھا اور اپنی منزل کی جانب اپنے قدموں کو گامزن رکھا ۔

ڈاکٹر شاہد صلاح الدین 23نومبر1977ءکو ضلع حیدرآباد کے علاقے لطیف آباد نمبر5میں پیدا ہوئے آپ کے والد کانام صلاح الدین ہے ۔آپ نے ابتدائی تعلیم گورنمنٹ کمپری ہینسو اسکول سے حاصل کی اور میٹرک اسی اسکول سے مکمل کیا ،1998ءمیں انٹرمیڈیٹ کی تعلیم پبلک کالج سے مکمل کی ۔انٹر میڈیٹ کی تعلیم مکمل کرنے کے بعد آپ نے لیاقت میڈیکل یونیورسٹی میں داخلہ لیا وہاں سے تعلیم حاصل کرنے کے بعد بھی علم حاصل کرنے کی لگن میں کمی نہ آئی اور مزید حصول تعلیم کی جستجو میں لگے رہے۔

ڈاکٹر شاہد صلاح الدین کی خاص بات یہ ہے کہ آپ معزور ہونے کے باوجود علم سے بہت محبت کرتے ہیں اور اس کو حاصل کرنے کی جستجو میں لگے رہتے ہیں اور آج یہی وجہ ہے کہ آپ حیدرآباد شہر کے چند نامی گرامی ڈاکٹر ز میں سے ایک ہیں ۔آپ بچپن ہی سے معزور ہیں لیکن آپکی معزوری بھی آپکے ارادوں پر پانی نہ پھیر سکی اور آپ خود بھی تعلیم حاصل کرتے رہے اور دوران پڑھائی تعلیم کی روشنی سے تعلیمی شمعیں روشن کرتے رہے ۔ 

ایم ،بی،بی،ایس کرنے کے بعد آپ نے ایک سال چار مہینے اپنے علاقے کے کالج میں ملازمت اختیار کی ۔یونیورسٹی سے صنعت جاری ہونے کے بعد آپ نے کراچی پوسٹ گریجویٹ کالج سے ٹریننگ کی اور پھر اسکولر شپ کے ذریعے آپ جرمنی گئے اور وہاں سے کینسر میں ڈپلومہ کیا اور جرمنی سے ڈپلومہ مکمل کرنے بعد واپس پاکستان آگئے اور جناح ہسپتال کراچی میں بحیثیت کینسر اسپیشلسٹ فرائض انجام دینے لگے۔

ڈاکٹر شاہد صلاح الدین اپنے خاندان میں بننے والے پہلے ڈاکٹر ہیں جنہوں نے میڈیکل یونیورسٹی تک میرٹ پر رسائی حاصل کی کیونکہ آپکے والد کا ذریعہ معاش اتنا خاص نہیں تھا کہ وہ آپکے تعلیمی اخراجات برداشت کرسکتے ہوں اس لئے آپ نے فارغ اوقات مختلف ملازمتیں کیں جس میں ٹیچنگ، میڈیکل ریپ اور دیگر بھی چھوٹی موٹی ملازمتیں کرتے رہے ۔

تعلیم کی محبت آپکے دل میںکوٹ کوٹ کر بھری ہوئی تھی یہی وجہ تھی کہ آپ نے آنے والی پریشانیوں کا ڈٹ کر سامنا کیا

 اور آگے کی جانب قدم بڑھاتے رہے آپکی جستجو کو دیکھ کر بہت لوگ متاثر ہوئے اور آپکو دیکھ کر لوگوں کے دلوں میں تعلیم کی شمع روشن ہوئی ۔آج آپکی زندگی کو دیکھ کر بہت سے لوگ حصول تعلیم کی جستجو میں لگے ہوئے ہیں۔

ڈاکٹر شاہد صلاح الدین بہت سادہ اور نرم دل طبیعت کے انسان ہیں ۔آپ اپنے پیشے کے اعتبار سے دن ،رات لوگوں کی خدمت کرنے میں لگے رہتے ہیں اور معاشرے کی خدمت کرنے میں آگے سے آگے نظر آتے ہیں ۔البتہ آپ کو اردو ادب میں بہت لگاﺅہے۔آپ میگزین،کتابیں،اخبار،ڈائجسٹ بہت شوق سے پڑھتے ہیں اور اکثر اردو مشاعروں کی محفلوںمیں بھی موجود ہوتے ہیں۔

ڈاکٹر شاہد صلاح الدین معزور ہونے کے باوجود کامیاب ترین انسان ہیں کیونکہ آنے والی پریشانیوں سے ہار نہ مانی بلکہ ان سے سبق حاصل کیا اور مسلسل اپنی منزل کی جانب قدموں کو گامزن رکھا اور اپنی منزل کو حاصل کرنے کی جستجو میں اب بھی لگے رہتے ہیں۔